Þröllinn bloggar

Jæja… hér koma nokkur lög í viðbót… Hér ætla ég að fjalla um þrjú af þeim lögum sem þykja líkleg til að standa sig vel í keppninni í maí.

Svíþjóð

Svíar voru eins og oft áður síðastir til að tilkynna sitt lag til þátttöku. Að mínu mati var nokkuð ljóst að baráttan stæði á milli tveggja laga, annars vegar BWO með lagið Lay Your Love On Me sem var mitt uppáhald og svo Selmubanans Charlotte Perelli sem söng lagið Hero. Það kom mér hins vegar mjög á óvart að það var hvorugt þessara laga sem fékk flest atkvæði frá almenningi heldur var það blondínan Sanna Nielsen sem söng ballöðuna Empty Room. Það dugði þó ekki til þar sem Charlotte var með mikla yfirburði í dómnefndarkosningunni og lenti í öðru sæti í almenningskosningunni. Lagið, Hero, er svona klisjukent sænskt ABBA-popplag með sterkum krók, samið af þeim Bobby Ljunggren og Fredrik Kempe en báðir eru þeir reynslumiklir Eurovision keppendur. Bobby hefur þrisvar sinnum unnið Melodifestivalen, 1995, 1998 og 2006 samdi hann lagið hennar Carolu, Invincible. Fredrik hefur tvisvar sinnum tekið þátt í Melodifestivalen sem flytjandi og í fyrra samdi hann þrjú lög sem flutt voru af öðrum flytjendum. En að framlaginu í ár þá er ég nokkuð viss um að þetta á eftir að komast í gegnum undankeppnina og sennilega lenda einhvers staðar á topp 10 en ég á ekki von á að þetta eigi eftir að blanda sér í baráttu um sigurinn. Sjálfur er ég ekkert ýkjahrifinn af þessu lagi, mér finnst þetta allt of mikið formúlulag en þess ber þó að geta að keppnin í ár stefnir í að verða langt undir meðallagi. Svíar taka þátt í seinni undankeppninni

Rússland

Það er gamall kunningi sem keppir fyrir Rússa í ár, en það er enginn annar en sjálfur Dima Bilan sem lenti í öðru sæti 2006 með lagið Never let you go. Lagið nú er mjög svipað og laginu frá tveimur árum en ekki alveg eins gott en á þó örugglega betri séns á sigri þar sem keppnin í ár er ekki eins sterk. Dima Bilan er náttúrulega rosalega stór stjarna í Rússlandi og öllum fyrrum Sovíetríkjunum og á örugglega eftir að fá 10 eða 12 stig frá þeim öllum. Og ef marka má framlagið frá 2006 þá er hann náttúrulega rosalega flottur performer og á ekki eftir að tapa stigum á sviðsframkomunni. Enda hefur Rússland verið sett sem líklegasti sigurvegarinn hjá veðbönkunum. Rússar keppa í fyrri undankeppninni.

Serbía

Serbar eru á heimavelli í ár og það er nokkuð ljóst að þeir ætla ekki að slaka neitt á í keppninni því nú senda þeir enn eina gullfallega ballöðuna sem er sungin af Jelenu Tomašević og samin af engum öðrum en Željko Joksimović sem verður að segjast eins og er að er sennilega allra besti lagahöfundur sem tekið hefur þátt í Eurovision. Jelena og Željko hafa áður starfað saman og tóku meðal annars þátt í forkeppni Serbíu og Svartfjallalands árið 2005 og olli það miklum deilum á milli Serbíu og Svartfjallalands þegar þau lentu í öðru sæti í forkeppninni það árið. Þar að auki tók Željko náttúrulega þátt sem flytjandi og lagahöfundur árið 2004 með hið frábæra lag Lane moje. Svo samdi hann lagið Lejla sem lenti í þriðja sæti fyrir Bosníu & Herzegóvínu árið 2006. Ef menn gefa sér tíma í að hlusta á þessi frábæru lög þá þarf ekkert að fjölyrða frekar um það hvílíkur snillingur er þarna á ferð og ég ætla að spá því hér og nú að Serbía muni sigra keppnina annað árið í röð. Það er eingöngu tvennt sem getur komið í veg fyrir það, annars vegar ef að gamla Sovíetblokkin sem er örlítið stærri en Balkanblokkinn hefur betur í sínum innbyrðisatkvæðagreiðslum sem mun verða til þess að Rússar sigri keppnina og hins vegar að fólk sé búið að fá algerlega nóg af þessu og muni kjósa Írland til þess að gefa svona stórt frat í keppnina og Írar muni þá vinna. En spá mín stendur og ég vona ynnilega að Serbar sigri keppnina í ár. Það gæti þó unnið gegn Serbum að þeir keppa eingöngu í aðalkeppninni og njóta því þess ekki að heyrast tvisvar eins og hin lögin.

• Lesa athugasemdir... (8)

Úff púff… nú er maður bara farinn að skammast sín fyrir framtaksleysið. Því miður hefur verið allt of mikið að gera hjá mér og hefur þessi bloggsíða borið keim af því. Ég hef áður lofað bót og betrun og svikið það jafnharðan, þannig að það er sennilega best að lofa sem minnstu núna en ég ætla að reyna að ná að covera öll lögin fljótlega. Nú eru allar þjóðir nema Svíar búnar að tilkynna sín lög og Svíar ljúka sinni undankeppni á laugardag. En hér koma sem sagt nokkur lög til viðbótar.

Ísrael

Það er Bo’az Ma’uda sem syngur framlag Ísraela í keppninni í ár. Bo’az er tvítugur og sigraði í fimmtu seríuni af ísraelska Idol-inu, Kokhav Nolad. Bo’az söng fimm lög í ísralsku úrslitakeppninni og það var lagið Ke’ilo kan sem sigraði. Þetta lag er samið af engri annarri en sjálfri Dönu International. Það verður ekki tekið af Bo’az að hann hefur mjög flotta rödd en þetta lag er engan veginn að ná til mín, allt of leiðinlegt og varla nein melódía. Það er eins og þessi keppni ætli algerlega að fyllast af svona leiðinlegum og óáhugaverðum ballöðum og Ísraelar falla beint í þann pyttinn. Ísraelar keppa í fyrri undankeppninni.

Grikkland

Grikkir hafa gert góða hluti í keppninni undanfarin fjögur ár og aldrei lent neðar en 9. sæti og unnu keppnina 2005; í raun eru þeir eina þjóðin sem hefur alltaf endað í topp 10 eftir að undankeppnin var tekin upp. Nú reyna þeir aftur að feta í sömu fótspor og 2005 og tefla fram ekkert allt of ljótri skvísu (eins og einhver orðaði það, vona að ég verði ekki kærður fyrir ritstuld) í stuttu pilsi með fjóra karldansara. Lagið er þó engan vegin eins gott og hjá henni Helenu Paparizou en er þó alls ekki versta lagið í keppninni í ár og ættu að komast upp úr fyrri undankeppninni.

Finnland

Finnar eru enn ein þjóðin sem telja sig hafa fundið einhverja sigurformúlu eftir að hafa unnið keppnina. Þeir halda sig því í þungarokkinu og tefla nú fram hljómsveitinni Teräsbetoni sem flytur lagið Missä miehet ratsastaa. Þessi hljómsveit er einhvers konar furðuleg blanda af Lordi án búninganna og Wig Wam. Frekar kostulegt lið og lagið er bara alveg allt í lagi þegar maður er búinn að hlusta á það nokkrum sinnum. Hins vegar er alveg ómögulegt að segja til um það hvort þetta er að heilla Evrópu. Það nýtur þess þó vera í fyrri undankeppninni og fær þar örugglega atkvæði frá Eistum og Norðmönnum en hvort það dugar er erfitt að segja.

• Lesa athugasemdir... (6)

Írland

Oftast er það þannig að það er eitthvað eitt atriði sem er svona mestur fjölmiðlasirkus í kringum á keppninni í sjálfri; 2006 var það Sylvía Nótt, 2007 var það Verka frá Úkraínu en í ár er nokkuð ljóst að Írar munu taka það hlutverk að sér. Ýmis fyrirbæri hafa nú verið send, til dæmis pappírspési, klæðskiptingar, kynskiptingar, trommandi ömmur en aldrei átti ég von á að einhver þjóð yrði svo desperat að senda kalkúnabrúðu en það er einmitt það sem Írar gera í ár. Dustin the Turkey sem syngur lagið Irelande Douze Pointe er vinsæl fígúra þarna í Írlandi sem spratt upp úr barnaefnisþætti en er orðin meiri svona brandarafígúra fyrir fullorðna og er með sinn eigin sjónvarpsþátt og er örugglega allra góðra gjalda verður sem slíkur. En hvað í andsk… er þetta gerpi að gera í Eurovision? Í raun er þetta bara feit langatöng upp í loftið til Eurovision keppninnar frá Írum. Hún Dana (ekki sú alþjóðlega heldur sú sem vann keppnina fyrir Írland 1970) hefur haft nokkuð hátt um það að henni finnist að ef Írar ætli ekki að taka þessa keppni alvarlega geti þeir allt eins dregið sig úr keppninni. Mér finnst í góðu lagi að gera nett grín að þessari keppni en er þetta ekki einum of langt gengið. Ég skal þó alveg viðurkenna það að textinn í þessu lagi er nú með þeim fyndnari, töluvert fyndnari en Silvía Nótt og We Are The Winners. Hér á eftir koma þrjú brot úr textanum:

  Drag acts and bad acts and Terry Wogan’s wig
  Mad acts and sad acts, it was Johnny Logan’s gig

  Give us another chance, we’re sorry for riverdance
  Sure Flately he’s a yank
  And the Danube flows through France
  Block voting, shock voting
  Give your 12 today
  You’re all invited to Dublin Ireland
  And we’ll party the Shamrock way

  Eastern Europe we love you
  Do you like Irish stew?
  Or goulash as it is to you?

Ekki neita ég því að þetta er fyndið og allt það en ó mæ god hvað þetta lag er leiðinlegt. Þetta er svona lag sem fólk annaðhvort hatar eða elskar. Nánast allir eurovisionnördar gjörsamlega þola það ekki. Ég er kannski ekki alveg svo afdráttarlaus í mínum skoðunum enda finnst mér textinn mjög fyndinn en á heildina litið finnst mér þetta ekki gott. Írar taka þátt í fyrri undankeppninni.

Búlgaría

Búlgörum hafði gengið hálfilla fyrstu tvö árin sem þeir tóku þátt í eurovision. Í fyrra hittu þeir hins vegar á formúlu sem gekk vel hjá þeim með danssmellinum Voda og enduðu í fimmta sæti. Í ár róa þeir svona um það bil á sömu mið en það er hljómsveitin Deep Zone & Balthazar sem flytur lagið DJ Take Me Away. Þetta er alveg ágætis smellur sem minnir mig á svona mellóv útgáfu af gamla Prodigy smellinum Out of Space án þess þó að vera á nokkurn hátt að saka þá um lagastuld. Mér finnst líklegt að þetta gæti verið að keppa við okkur um dans-klúbba-atkvæðin. Svo gæti enn harðnað á þeim dalnum ef Svíar kjósa Bodies Without Organs út líka en þeir tóku þátt í síðasta þætti í Melodifestivalen og verð ég nú að skrifa þá sem ansi líklega. Búlgarar keppa í seinni undankeppninni eins og Íslendingar og Svíar.

Pólland

Fyrir umfjöllun um þetta lag má bara lesa umfjöllunina um Ungverjaland. Þetta er eins og það nema bara aðeins verra. Pólverjar tefla fram hinni 35 ára gömlu Isis Gee sem heitir réttu nafni Tamara Gołębiowska. Hún er fædd í Seattle í Bandaríkjunum, fæðingarnafnið hennar var reyndar Tamara Diane Wimer en tók upp þetta pólska eftirnafn 2004 þegar hún giftist eiginmanni sínum og fluttist til Póllands 2004. Eurovision-aðdáendur virðast vera nokkuð sáttir við þetta lag en ég er ansi hræddur um að þetta muni detta í sama flokk og Holland frá 2005 og gleymast. Það vinnur þó með laginu að vera í fyrri undankeppninni því miðað við þau lög sem núna eru komin fram virðist sú keppni vera töluvert slakari.

Rúmenía

Í fyrra gekk Lettum ágætlega með lag sungið á ítölsku og komust upp úr undankeppninni. Og viti menn nú eru strax komin tvö lög flutt á ítölsku. Það er svo sem ekkert óeðlilegt að Sviss velji að syngja á ítölsku enda eitt fjögurra opinberra tungumála þar og rúmenska er nú mjög skyld ítölskunni þannig að þeir hafa kannski ekki langt að sækja það. Það eru þau Nico og Vlad Miriţă sem flytja framlag Rúmena. Þetta er svona óperuskotið ítalskt dægurlag, minnir svolítið á Andrea Bocelli. Mér finnst Vlad mjög góður en hún Nico fer svolítið í pirrurnar á mér. Annars er þetta alveg ágætislag þó að ég fíli það svissneska töluvert betur. Rúmenar keppa í fyrri undankeppninni og verð ég nú að telja þá nokkuð líklega til að komast áfram.

Króatía

Undankeppnin hjá Króötum var vægast sagt umdeild. Það voru götulistamennirnir Kraljevi Ulice og 75 Cents sem sigruðu Antonija Šola. Þessi tvö atriði fengu jafnmörg stig samanlagt frá dómnefnd og í símakosningu. En í Króatíu gildir sú regla að séu tvö atriði með jafnmörg stig þá vegur dómnefndin þyngra. Og það er náttúrulega segin saga að almenningur í Króatíu og eurovision nördar um alla Evrópu eru ekki par sáttir við Króatíska framlagið. Sjálfur er ég bara nokkuð ánægður með þetta lag og finnst gamli kallinn þarna, 75 Cents, ógeðslega flottur. Ég viðurkenni þó að hún Antonija hefði sennilega gert betri hluti þarna úti og fengið fleiri nágrannaatkvæði heldur en Kraljevi Ulice eiga eftir að fá. Ég fíla samt þessa kalla, þeir voru bara mættir út á torgið sitt í Zagreb tveimur dögum eftir að þeir unnu keppnina og spilu þar eins og þeir hafa gert hvern dag undanfarin ár. Þeir eiga sér líka smá historíu í króatísku undankeppninni en þeir hafa lent í öðru sæti síðustu tvö ár þannig að það var alveg kominn tími á að þeir vinni. Króatar keppa í seinni undankeppninni.

Makedónía

Tamara, Vrčak and Adrian Gaxha taka þátt í Eurovision fyrir hönd Makedóna með laginu Vo Ime Na Ljubovta eða Í nafni ástarinnar. Makedónar hafa oft verið þekktir fyrir að vera ekki með neitt rosalega góð lög en komast samt alltaf upp úr forkeppninni. Það gengur yfirleitt sú saga um Makedóníu syndrómið að þegar maður er farinn að fíla makedónska lagið er maður búinn að hlusta of mikið á lögin. Ég hef oftast komist á það stig að fíla makedónska lagið en ef ég kem til með að gera það í ár viljið þið sem kallið ykkur vini mína þá banka í mig. Þetta lag er hreinasti horbjóður sem nokkurn tímann hefur komist í Eurovision. Þetta er fjórfalt vera en Svartfjallaland í fyrra. Makedónar keppa í sterkari undankeppninni, þeirri seinni þannig að ég neita að trúa því að þeir komist upp úr undankeppninni í ár.

Nú eru eingöngu þrjú lög af þeim sem hafa komið fram sem eiga eftir að fá umfjöllun. Ég ætla að geyma aðeins meiri umfjöllun um Íslenska lagið þar til maður sér hvaða lög það keppir við og geta þá betur metið það hvaða möguleika það á á því að komast áfram. Hins vegar stefni ég á að koma með smá umfjöllun um hin tvö, Ísrael og Grikkland fljótlega auk þess sem Georgía, Lettland og Finnland ákveða sig á morgun og Bosníumenn á sunnudaginn. Þannig að það er nóg framundan.

• Lesa athugasemdir... (7)

Eins og ég hef sagt skulda ég ansi margar umfjallanir um þau lög sem hafa verið tilkynnt til þátttöku. Hér koma nokkrar.

Azerbaidjan
Azerbaidjan tekur þátt í Eurovision í fyrsta sinn í ár og þeir byrja með hvelli. Þetta er eitthvað það furðulegasta lag sem heyrst hefur í Eurovision. Það var hinn tvítugi Elnur Huseynov sem var valinn til að taka þátt. Elnur er hins vegar svolítil stjarna og hann neitaði að taka þátt nema hann fengi að syngja lagið sem dúett með vini sínum, Samir Javadzadeh. Lagið fjallar um baráttu góðs og ills þar sem Elnur leikur engilinn en Samir djöfullinn. Í þessu lagi syngur Samir einhvern þjóðlegan stíl sem er kallaður Mugham en þá þurfa flytjendur víst að flytja allar sínar tilfinningar í sönginn og tónlistina. Mjög spes og sennilega ekki alveg að ná til Vestur-Evrópubúa. Það kæmi mér alla veganna verulega á óvart ef við þyrftum að hlusta á þetta lag í úrslitunum. Þó skal maður ekkert fullyrða, lagið á víst eftir að taka töluverðum breytingum og verður hluti lagsins sunginn á azerbaidjanísku (eða hvað sem tungumál þeirra heitir) auk þess sem þessi mugham hluti lagsins verður lengdur. Þetta verður fróðlegt. Azerar keppa í fyrri undankeppninni og því getum við því miður ekki kosið þetta lag.

Ungverjaland
Ungverjar senda hina 28 ára gömlu Csézy í keppnina ár. Hún sigraði undankeppnina í Ungverjalandið með miklum naumindum en þar söng hún lagið Szívverés sem þýðir hjartsláttur. Hún hlaut flest stig í símakosningu en varð í öðru sæti hjá dómnefnd og var því jöfn stigum lagsins sem fékk flest stig frá dómnefndinni. Hjá Ungverjum vó hins vegar atkvæði þjóðarinnar þyngra heldur en atkvæði dómnefndarinnar og því komst hún í lokakeppnina. Þetta er svona lítið sætt lag en alveg svakalega auðgleymanlegt. Ég tel alla veganna ekki mjög líklegt að maður eigi eftir að fá þetta lag á heilann á næstunni. Csézy hefur gefið það út að lagið muni verða flutt á ensku í úrslitakeppninni og held ég að það muni nú hjálpa því en hversu mikið á eftir að koma í ljós. Lagið mun heita Candlelight og keppir í seinni undankeppninni.

Moldavía
Fulltrúi Moldavíu verður Geta Burlacu en hún er 33 ára og þekkt jazz söngkona í Moldavíu. Menn tala um þetta sem þessa-ár-”Love or leave” sem var framlag Litháens í fyrra. Alveg vel hlustandi á þessi lög en svakalega auðgleymanleg og ekki miklar líkur á að þeir muni hrúga til sín stigunum. Moldavar eru þó heppnir að þeir lenda í fyrri undankeppninni eins og nágrannarnir Rúmenar og geta því væntanlega treyst á 12 stig þaðan en ég á ekki von á því að það dugi til. Anna Rósa (dóttir mín) mundi þó örugglega verða hrifin af stelpunni sem gengur þarna um sviðið og blæs sápukúlur.

Noregur
Norðmenn halda alltaf mjög stóra og flotta undankeppni en það virðist vera mikill skortur á góðum lagahöfundum hjá þeim því lögin eru oftast mjög slök. Þeim tókst þó að hitta á um það bil eina lagið í ár sem var hlustandi á. Ekki kannski minn tebolli en á örugglega eftir að fá eitthvað af atkvæðum. Þetta minnir svolítið á Britney Spears meðan hún var enn þá saklaus skólastelpa en Maria Haukaas Storeng sem flytur framlag Noregs er eitthvað reyndari en Britney var þá. Hún hefur tekið þátt í nokkrum söngleikjum allt frá því að hún söng hlutverk Annie í söngleiknum Annie árið 1991. Hún tók svo þátt í norska Idolinu árið 2004 og varð þar í sjötta sæti. Norðmenn eru nokkuð óheppnir með það að þeir og Finnar eru einu Norðurlandaþjóðirnar sem keppa í fyrri undankeppninni og þar má gera ráð fyrir að u.þ.b. 30 stig fari í súginn því Svíar, Danir og Íslendingar hafa oftast verið duglegir að gefa Norðmönnum stig. Lögin í fyrri undankeppninni eru þó í heildinna slakari heldur en í þeirri seinni þannig að það dugar kannski til en ég mundi ekki veðja mjög stórum fjárhæðum á það.

Tyrkland
Tyrkir hafa átt góðu gengi að fagna allt síðan þeir unnu keppnina árið 2003 og aldrei lent neðar en 13 sæti og alltaf tekið þátt í aðalkeppninni enda geta þeir treyst á ansi marga Tyrki sem eru búsettir víðs vegar um Evrópu. Fulltrúar Tyrkja í ár eru rokkararnir í Mor ve Ötesi sem munu syngja lagið Deli sem útleggst geðveikur á hinu ástkæra ylhýra. Að mínu mati er þetta mjög þétt og flott rokklag sem á örugglega eftir að enda ofarlega. Vandamál þess gæti þá helst verið að fyrir svona eurovisionnörda eins og mig þá er þetta kannski ekki alveg að heilla mann við fyrstu heyrn en eftir nokkur skipti er þetta orðið fínasta lag. Mor ve Ötesi hefur starfað síðan 1995 og hefur notið mikilla vinsælda í Tyrklandi, einkum eftir að þeir gáfu út sína aðra plötu árið 1999. Harun Tekin sem er söngvari og gítarleikari hljómsveitarinnar hefur getið sér gott orð fyrir að vera mikill talsmaður friðar og er útskrifaður með tvær háskólagráður, í heimspeki og sálfræði.

• Lesa athugasemdir... (5)

Þetta kom svona nett á óvart að Regína Ósk og Friðrik Ómar hafi tekið massana í Merzedes Club. Hér koma nokkrir punktar frá keppni gærkvöldsins:

• Nýja útgáfan af laginu Fullkomið líf var að mínu mati betri en orginallinn. Flutningurinn var jafnframt mjög góður eins og við var að búast. Myndvinnslan fannst mér svolítið klúðursleg, til dæmis þegar dansararnir rifu sig úr pilsunum var myndavélin alveg í klósöppi á Friðriki Ómari og maður rétt sá þær henda frá sér pilsunum í bakgrunni. Vonum að þetta verði betur unnið í vor. Annars var þetta allt í lagi, lagið er ekki að gera neitt sérstakt fyrir mig en þetta virðist njóta töluverðrar hylli á meðal Eurovision aðdáenda og satt best að segja hef ég ekki séð neitt lag fá svona góða umfjöllun í ár. Meðal umsagna af síðunni ESCToday:
  • “The english version is way better than the icelandic. I quite like it!”
  • “This is a great song. It will really close for the 1st place in ESC 2008. Good luck to Regína & Fridrik. They deserve it. =) “
  • “Their live performance!!! GREAT!!!!!”
  • “i think the performance in the final was much better than the semi final too. i really like this song . its very eurovision, and very catchy. i just hope it qualifies “
  • “Excellent choice Iceland - Reykjavik 2009??”
  • “just one word for this….WOW

    I LOVE IT!!

    REYKJAVIK 2009

    Craig, UK”

  • “Well done Iceland, your best song and performance in many years, and among the top best songs this year (very bad year by the way ”
  • “wow, ive just watched the final performance of this song, loved it. she looks great, an improvement from the semi’s fasion!
    he’s sexy…yum…hehehe.
    great performance, now i just hope they can pull it off on the night (S).
    good luck iceland…..my winner”
  • En vissulega eru ekki allir jafnkátir: “Horrible dated eurodance. Don’t like it.” En á heildina litið eru þeir neikvæðu mun færri.
• Merzedes Club voru greinilega ekki sáttir með annað sætið. Vissulega var þetta óþarfa komment hjá Friðriki Ómari þarna upp á sviði að vera að skjóta eitthvað á þá en staðreyndin var bara sú að þrátt fyrir að atriðið hafi verið mjög skemmtilegt þá var söngurinn bara hreinlega ekki nógu góður. Hann var reyndar töluvert betri en í undanúrslitunum (hann gat nú ekki versnað mikið) en það hreinlega gengur ekki að syngja svona hrikalega falskt, sérstaklega byrjaði hún illa en náði sér svo aðeins á strik en það var bara too little too late. Massarnir á trommunum héldu hins vegar “Ho ho ho”-línunni algerlega og stóðu sig mjög vel. Allmennt virðast Eurovision nördarnir samt vera mjög ánægðir með að þetta lag er ekki að fara út. Það verður víst nóg af þessum djókatriðum í vor.
• Ragnheiður Gröndal var góð og kaus ég hana. Mér fannst hins vegar atriðið betra í undanúrslitunum. Þetta var svona svolítið eins og hún gæti ekki ákveðið sig hvernig hún ætlaði að hafa atriðið, hvort hún ætlaði að sitja, standa eða liggja, hvort hún ætlaði að vera úti eða inni eða hvað. En lagið var smart og söngurinn góður.
• Dr. Spock eru ógðeðslega fyndnir og góður húmor að syngja viðlagið á serbnesku en eins og ég hef sagt áður þá finnst mér lagið bara vera hávaði.
• Magni og Birgitta og Páll Rósinkrans lenda í sama flokki, fínn flutningur á frekar leiðinlegum lögum.
• Davíð Olgeirs var mjög góður og lagið hans er skemmtilegt en einhvern veginn hafði maður það á tilfinningunni að hann ætti aldrei séns
• Baggalútur er svo náttúrulega bara alger snilld. Hefði verið flott að senda Hófí til Serbíu

Þetta er svona það helsta. Það var nóg að gerast í öðrum keppnum og eins og sagði í síðustu færslu er ég farinn að skulda ansi margar umfjallanir. Geri ráð fyrir að reyna að bæta úr því í vikunni.

• Skrifa athugasemd... (9)

Assgoti hafa menn (ég) verið slakir að undanförnu í blogginu. Það vill þó til að það hefur verið frekar rólegt að gera að undanförnu. Um síðustu helgi var til dæmis bara Tyrkland sem tilkynnti lag til þátttöku en helgina á. Og Carola virðist vera dottin úr tísku í Svíþjóð. Henni mistókst alla veganna ásamt Andreas Johnson að komast áfram í úrslitakeppnina í Svíþjóð og þarf því að taka þátt í andra kansanum ætli hún sér að komast til Globen.

Helgina áður voru líka nokkur lög tilkynnt. Ég er því farinn að skulda nokkrar umfjallanir og kynningar og mun ég reyna að taka mig á í þeirri deildinni eftir helgi. Nú fer hins vegar að styttast í stóru stundina hjá okkur Íslendingum því úrslitakeppnin fer að sjálfsögðu fram á laugardaginn. Þar er helst talið að valið standi á milli Merzedes club og Eurobandsins en það er aldrei að vita, Ragnheiður Gröndal kom mér verulega á óvart og tryggði sér sæti í úrslitunum með skemmtilegri sviðsetningu og góðum flutningi á alveg ágætis lagi. Nú ætla ég að renna einu sinni enn yfir lögin sem keppa á laugardaginn. Sigurlíkurnar sem ég læt fylgja þarna með eru huglægt mat mit. Komið endilega með í commentunum hvaða lag þið haldið að sigri eða vonið að sigri.

Gef mér von

Flytjandi: Páll Rósinkrans
Höfundur: Guðmundur Jónsson
Þetta er annað af tveimur lögum í úrslitunum sem mér finnst hreint út sagt leiðinlegt. Það er ekkert í þessu lagi. Ég man nú ekki alveg hvernig þetta var flutt, þ.e. hversu margar bakraddir hann notaði, í undanúrslitunum en ég geri ráð fyrir að núna megi hann ekki nota nema 5 bakraddir og spurning hvort lagið minnki bara ekki enn þá meira við það og ekki var það nú stórt fyrir. Ég get alla veganna alveg garanterað að þetta lag á ekki nokkurn möguleika á sigri.
Sigurlíkur: 0%

Núna veit ég

Flytjandi: Magni Ásgeirsson (og Birgitta Haukdal)
Höfundur: Hafdís Huld Þrastardóttir
Ég hef ekkert heyrt um það hvort Birgitta komi aftur til að syngja þetta lag í úrslitunum. Mér fannst þeir spekingar í þættinum bara vera ánægðari með lagið án Birgittu. Ég sá nú engan gígantískan mun á útsetningunni fyrir utan það að Magni fékk að þenja sig ansi hressilega í lokin þegar Birgitta var ekki með. Í heildina finnst mér þetta bara hálfmisheppnuð eurovision ballaða. Fyrir 5 árum síðan hefði Birgitta sungið hvaða lag sem var og sigrað keppnina með yfirburðum, slíkar voru vinsældir hennar og ætli Magni hafi ekki haft svipaðan status eftir Rockstar ævintýrið sitt en núna held ég að þau séu ekki eins gríðarlega vinsæl að þau geti sigrað með svona meðallag.
Sigurlíkur: 5%

In your dreams

Flytjandi og höfundur: Davíð Þorsteinn Olgeirsson
Þetta er alveg hresst og skemmtilegt lag en það vantar einhvern brodd í það. Svolítið skrýtið líka að eina youtube klippan af þessu lagi skuli vera með meinbögguðu hljóði, þ.e. hljóð og mynd passa engan veginn saman. Það segir kannski ýmislegt um að fólk hafi frekar takmarkaðan áhuga á þessu lagi.
Sigurlíkur: 1%

Hvað var það sem þú sást í honum?

Flytjandi: Baggalútur
Höfundur: Magnús Eiríksson
Því miður virðist ekki vera til klippa af sveifluútgáfunni af þessu lagi á Youtube. Mér finnst Baggalútur alger snilld og mér finnst þetta lag mjög flott en það getur varla talist mikið eurovision lag, alla veganna ekki í country útgáfunni og sennilega ekki heldur í sveifluútgáfunni en ég bíð spenntur eftir næstu útgáfu af þessu lagi. Það verður mjög fróðlegt að sjá hvernig það kemur út. Ef sú útgáfa verður vel heppnuð og Ho ho ho verður jafnilla sungið og síðast þá eru alveg ágætislíkur á að mitt atkvæði eigi eftir að lenda á þessu lagi.
Sigurlíkur: 7%

Fullkomið líf / This is my life

Flytjandi: Eurobandið
Höfundur: Örlygur Smári
Það er ekki hægt að segja annað um þetta lag en að þetta sé eurovision lag dauðans. Nú er þetta komið í enn meiri eurovision búning, búið að færa textann yfir á engilsaxnesku og það er enginn annar en sjálfur Páll Óskar sem semur hann og hér er sko dýrt kveðið. Samkvæmt Vísi þá mun lagið verða flutt í þessum búningi á laugardaginn. Það eru eflaust margir eurovisionnördar sem fíla þetta lag en ég er ekki alveg þessi týpíski eurovision nörd því ég fíla ekki alveg svona týpísk eurovision únts únts lög. Það virðist þó alltaf vera eitt svona danslag sem gengur vel í lokakeppninni og hver veit nema þetta lag gæti tekið það sæti því að ekki er komið neitt gott danslag enn þá. Svo er eitt sem maður getur svona nokkurn veginn verið viss um með þetta lag að það verður vel sungið bæði á laugardaginn og úti í Serbíu ef það fer út, annað en hægt er að segja um sum lög í keppninni.
Sigurlíkur: 20%

Hvar ertu nú?

Flytjandi: Dr. Spock
Höfundur: Dr. Gunni
Tissepása.
Sigurlíkur 2%

Ho, ho, ho, we say hey, hey, hey

Flytjandi: Merzedes Club
Höfundur: Barði Jóhannsson
Lagið finnst mér alger snilld og Gillznegger er gargandi snilld á hljómborðinu og massarnir á trommunum líka. Ceres4 er líka góður í sínu hlutverki en eins og staðan er núna eru vandamálin tvö. Fyrsta er að massarnir á trommunum eru ekki nógu kröftugir söngvarar en miðað við það sem maður hefur lesið þá eru þeir í strangri söngþjálfun og þeirra lína er nú ekki mjög flókinn þannig að það er hugsanlegt að það sé hægt að redda því fyrir maí. Hitt vandamálið er stærra og það er stelpan sem er að skottast þarna fyrir framan og að reyna að syngja aðallínuna. Í fyrstu umferð var söngurinn af teipi og þá var þetta allt í lagi en núna síðast var söngurinn live og mæ ó mæ, þvílík hörmung. Ég veit ekki hvort þetta hafi bara verið stress eða hvort hún sé aksjúallí svona slök söngkona en sama hvort er þá á stressið ekki eftir að minnka úti í Serbíu með milljónir að horfa á sig. Ég alla veganna vona að þetta verði allt miklu betra núna á laugardaginn og ef svo er þá er aldrei að vita nema ég kjósi þetta. Ef söngurinn verður örlítið skárri heldur en við síðasta flutning þá tel ég yfirgnæfandi líkur á að þetta verði okkar framlag til eurovision í ár enda er um 90% íslendinga algerlega laglaus og með ekkert tóneyra þannig að það virðist ekki alltaf vera lykilatriði að syngja eitthvað gríðarlega vel. Það virðist skipta meira máli að vera annaðhvort gríðarlega vinsæll eins og Birgitta var 2003 eða nógu fyndinn og sniðugur eins og Silvía Nótt 2006.
Sigurlíkur: 60%

Don’t wake me up

Flytjandi: Ragnheiður Gröndal
Höfundur: Margrét Kristín Sigurðardóttir
Ég fíla Ragnheiði Gröndal og ég fíla þetta lag og sviðsetningin síðast fannst mér mjög smart og held að hafi átt stóran þátt í að þetta lag komst áfram. Það kom mér hins vegar mjög á óvart því ég hélt að þetta lag hefði ekki jafnmikla hylli meðal þjóðarinnar og raun bar vitni. Ég sé verulega eftir laginu hennar Svölu Björgvins en græt það þó engan veginn að þetta hafi farið áfram. Reyndar hefði “Ho, ho, ho, we say hey, hey hey” að sjálfsögðu átt að sitja eftir miðað við performansinn sem þeir buðu upp á en það var aldrei að fara að gerast. Þetta er þriðja lagið sem á möguleika á að fá mitt atkvæði en ég tel sáralitlar líkur á að þetta sé að fara að vinna þessa keppni.
Sigurlíkur: 5%

• Lesa athugasemdir... (6)

Um helgina er ekki bara síðasta undanúrslitakvöldið hér á Íslandi heldur hefst líka sænska undankeppnin, eða Melodifestivalen. Þeir sem fylgjast með vita að Svíar þrátt fyrir alla þeirra galla kunna manna best að halda forkeppni Eurovision og má yfirleitt fullyrða að ekki muni miklu á umgjörð Melodifestivalen og sjálfri lokakeppni Eurovision. Og ekki vantar stjörnurnar, í ár munu meðal annars taka þátt eftirfarandi stórstjörnur:

• Charlotte Perelli sem vann Selmu í Ísrael 1999 með laginu Take Me To Your Heaven.
• Body Without Organs (betur þekktir sem sköllótti kallinn í stuttbuxunum á laptoppnum) sem hafa tekið þátt í sænsku undankeppninni mörg undanfarin ár og komist mjög nálægt því að vinna. Þeir eru frekar vinsælir í Svíþjóð og því beðið eftir þeirra lagi með mikilli eftirvæntingu.
• Færeyska barnastjarnan Brandur Enni sem hefur meðal annars komið hingað til Íslands.
• Og síðast en ekki síst Carola Häggkvist og Andreas Johnson. Carolu þarf að sjálfsögðu ekki að kynna en nú syngur hún dúett með Andras Johnson sem hefur lent ofarlega í keppninni undanfarin tvö ár. Sérstaklega var ég hrifin að laginu Sing For Me sem hann söng 2006 sem ég fullyrði að hefði unnið Eurovision það árið ef það hefði farið út frekar en Carola.

Það er því ljóst að það verður mikið um dýrðir í Svíþjóð næstu laugardagskvöld en það verður ekki síður spennandi að fylgjast með íslensku forkeppninni… hóst hóst… Reyndar verður næsta laugardagskvöld væntanlega ekkert sérstaklega spennandi þar sem tvö síðustu lögin eiga eftir að bætast í hóp þeirra sex sem þegar hafa tryggt sér sæti í úrslitunum. Lögin sem keppa eru eftirfarandi:

Ho, ho, ho, we say hey, hey, hey
Flytjandi: Merzedes Club
Höfundur: Barði Jóhannsson

Verða að viðurkenna að mér finnst þetta gríðarlega líklegur sigurvegari í keppninni. Frábær húmar, hrikalega catchy lag og snilld að stilla Gillznegger upp á hljómborð. Ég hef reyndar smá áhyggjur af söngnum að hann verði ekki nógu sterkur ef þetta kemst út en það kemur í ljós. Ég er mjög hrifinn að þessu lagi, enda er Barði náttúrulega bara hreinn og klár snillingur og þvílíkur húmoristi. Mér fyndist það því alger synd ef það er satt sem heyrst hefur að Barði muni ekki fylgja laginu út til Belgrad. Ég hugsa að blaðamannafundirnir gætu orðið ansi skondnir.

Don’t wake me up
Flytjandi: Ragnheiður Gröndal
Höfundur: Margrét Kristín Sigurðardóttir

Þetta er svona lítið og voðalega sætt lag. Ég hefði alveg verið til í að sjá það í úrslitunum frekar en Dr. Spock eða Palla Rósinkrans en í þessum riðli á það ekki séns og fær því titilinn, “Besta lagið til að detta út í undanúrslitun” frá mér.

The wiggle wiggle song
Flytjandi: Haffi Haff
Höfundur: Svala Björgvinsdóttir

Hér er komið mitt uppáhaldslag í keppninni. Mér finnst þetta þrælflottur dans-smellur sm væri mjög gaman að sjá hvernig falli í kramið hjá Evrópubúum. Vissulega er Ho ho ho… miklu meira catchy lag og því ef til vill heppilegra fyrir Eurovision en ég held að það sé miklu meiri metnaður á bak við þetta lag. Miðað við hvað þeir sýndu í fyrstu forkeppninni hér heima sýnist mér þetta vera lag sem Svala Björgvins er tilbúin til að fara alla leiðinna með, t.d. með flottu sviðsatriði með kóreógrafíu og stuði. Söngvarinn, Haffi Haff, finnst mér svolítið spurningarmerki. Annars vegar hvort við séum tilbúin til að senda svona alteregó út svona stuttu eftir að Sylvía Nótt floppaði. Svo veit maður ekki hverig hann á eftir að representa okkur á blaðamannafundum þarna úti og svoleiðis en ég held við séum nú aldrei að fara að horfa upp á svipað fíaskó og þá. Og hins vegar hvort hann sé maður í að halda lagi þarna úti þegar stressið segir til sín. Hann hefur nú ekki mikla reynslu í þessum bransa. Það vill þó til að þetta lag er nú ekki að reyna mikið á aktjúal sönghæfileika og því ætti það að geta sloppið.

Ég spái því og vona að Ho, ho, ho, we say hey, hey, hey, og The wiggle wiggle song fari áfram úr þessum riðli

• Lesa athugasemdir... (3)

4 ný lög komin, þau eru eftirfarandi

Danmörk

Danir hafa valdið mér hálfgerðum vonbrigðum allt síðan 2001 þegar þeir áttu náttúrulega að vinna á heimavelli. Fyrir utan árið 2005 hefur þeim þar að auki gengið heldur illa. Í ár senda þeir 23 ára Jótlending, Simon Mathew sem syngur lagið All Night Long. Simon þessi hefur gefið út eina plötu sem naut víst nokkurra vinsælda í Danmörku. Nú syngur hann eitthvað svona melódískt popplag sem hljómar alveg þrælstolið, ég veit bara ekki alveg hvaðan. Það minnir mann að einhverju leyti á sænska lagið sem ég þoldi ekki í fyrra en er kannski ekki alveg jafnóþolandi og það en það er ekkert að heilla mig sérstaklega svona í fyrstu atrennu. Þeir sem vita hvaðan laginu er stolið eru vinsamlegast beðnir um að kommentera á það hérna í athugasemdunum (María, þú ert ráðin).

Eistland

Árið 2005 byrjuðu Litháar greinilega á ákveðnu trendi með laginu We Are The Winners með svona barnalega húmormúsík. Í fyrra tóku Úkraínumenn það skrefinu lengra með klæðskiptingnum Verku sem endaði í öðru sæti. Nú reyna Eistar að fara sömu leið með eitthvað fáránlegasta lag allra tíma. Það er dúettinn Kreisiraadio sem samanstendur af tveimur miðaldra köllum sem eru víst þekktir grínistar í Eistlandi. Þeir eru víst gríðarvinsælir þar og eru með vinsælan útvarpsþátt þannig að við getum á vissan á líkt þessu við að ef Sigurjón Kjartansson og Jón Gnarr mundu taka þátt í undankeppninni hérna heima. Eitthvað er það sem segir mér að þeir mundu rústa keppninni hér heima sama hversu vont lagið væri en ekki er ég svo viss um að Evrópa mundi kaupa það einn tveir og þrír. Ég alla veganna vona að þetta nái ekki að slá í gegn og muni fara sömu leið og Sylvía okkar Nótt.

Litháen

Litháar senda heljarmikið lag í þetta skiptið. Það er hinn 23 ára gamli Jeronimas Milius sem þrátt fyrir að eiga sinn bakgrunn í Metal-rokki syngur svona óperíska ballöðu, Nomads In The Night. Milius þessi var víst nánast óþekktur í Litháen áður en hann sló í gegn með þessari ballöðu og heillaði Litháísku þjóðina upp úr skónum. Sigurinn var þó engan veginn eins öruggur og hjá nágrönnum hans í Eistlandi því aðeins munaði rúmum 400 atkvæðum af 107 þúsund atkvæðum sem greidd voru. Þetta lag grípur mann engan veginn við fyrstu hlustun en eftir þrjár til fjórar hlustanir þá batnar það bara. Ég er alla veganna orðinn mjög heitur fyrir þessu lagi. Mér finnst hann þó vera svolítið tæpur á að halda lagi og spurning þegar stressið á stóra sviðinu í Belgrad kikki inn, hvort að hann nái að halda tónunum. Kemur í ljós, kemur í ljós.

Slóvenía

Slóvenar komu mér á óvart í fyrra með því að komast í gegnum undankeppnina enda hafa þeir yfirleitt ekki getað treyst á mörg atkvæði frá nágrannaþjóðunum. Alenka Gotar náði hins vegar að heilla nágranna sína og marga Suður-Evrópu búa og varð fyrst Slóvena til að komast upp úr undankeppninni. Í ár reynir Rebeka Dremelj að endurtaka leikinn með laginu “Vrag nai vzame” en ekki er gert ráð fyrir að þetta fái jafnmikinn stuðning frá nágrönnunum enda lagið full poppað fyrir Balkanþjóðirnar. Það er því talið líklegt að það muni velta á stuðningi Vestur-Evrópu hvort að það komist áfram eða ekki. Verð að segja að mér finnst lagið fínt en ekki miklar líkur á að ég muni kjósa það. Ég hugsa að þetta lag gæti hugsanlega batnað við að vera sungið á ensku. Ég veit þó ekkert um hvort eitthvað slíkt standi til.

• Lesa athugasemdir... (4)

Nú á morgun fer fram þriðja og næstsíðasta undanúrslitakvöld Laugardagslaganna. Ég verð nú að viðurkenna það að ég er ekkert að drepast úr hrifningi yfir þessum lögum en eftirfarandi eru lögin sem keppa.

Leigubílar
Flytjendur: Hrund Ósk Árnadóttir og Pálmi Gunnarsson
Höfundur: Magnús Eiríksson

Þetta er svona klassísk Magga Eiríkslag og það er alveg ljóst að það er ekki hægt að fá neinn annan en Pálma Gunnarsson til að syngja svoleiðis lag. Hrund stendur sig svo mjög vel í að bakka hann upp. Lagið finnst mér samt bara ekki nógu spennandi til þess að grípa mig alveg. Ég vona þó að þetta fari áfram því að hin tvö lögin eru verri.

Fullkomið líf
Flytjandi: Eurobandið
Höfundur: Örlygur Smári

Þarna fara saman tvær “stjörnur” sem hafa verið ansi nálægt því undanfarið að komast út í keppnina. Friðrik Ómar var í öðru sæti í fyrra á eftir Eiríki Haukssyni með fínt lag og Regína Ósk hefði átt að fara út fyrir tveimur árum með miklu betra lag en vinsældir Sylvíu Nóttar gerði það að verkum að miklu betra lag sat eftir heima. Nú sameinast þau í dúettinum Eurobandið og ó mæ god hvað það ber nafn með rentu. Ef ég ætti að semja hið týpíska Eurovision lag undanfarinna 10 ára þá yrði það hér um bil svona. En það verður þó að segjast að svona týpískt Eurovision lag vinnur sjaldnast keppnina og ég ætla að vona að það geri það ekki hér heima heldur. Mér finnst þetta allt of klysjulega formúlerað. Ég vona þó að þetta fylgi Magga Eiríks áfram í loka keppnina.

Hvar ertu nú?
Flytjandi: Dr. Spock
Höfundur: Dr. Gunni

Ég hef áður tjáð mig um þetta lag og lýst vanþóknun minni á því. Ég ætla því bara að hafa orðin sem fæst og segja bara að ég vona að þetta fari ekki áfram. Ég er þó ansi hræddur um að þetta fari áfram á kostnað Magga Eiríks.

Spá mín er því að Eurobandið og Dr. Spock fari í úrslitin en ég vona að Dr. Spock muni sitja eftir.

• Lesa athugasemdir... (5)

Vil benda ykkur á þessa síðu sem ég setti hérna upp og þið getið nálgast með því að smella á linkinn “Eurovision 2008″ hér fyrir ofan. Þarna munu safnast saman öll lögin í keppninni í ár.

Njótið vel.

• Skrifa athugasemd... (4)

Það féll niður hjá mér mat á síðustu viku íslensku keppninnar en til að hafa það stutt og laggott þá var ég mjög sáttur við ákvörðun þjóðarinnar. Mér finnst hins vegar leiðinlegt að Bjartur þyrfti að detta út á kostnað tveggja af þeim hörmungarlögum sem verða flutt í næsta þætti komast áfram. Hefur vissulega engin áhrif á lokaniðurstöðuna en gæðin á lökakvöldinu minnka fyrir vikið.

En að máli málanna þá eru eftirfarandi tvö lög kominn í hóp þeirra laga sem munu taka þátt í Eurovision 2008.

Malta

Malta ákvað að senda lagið “Vodka” eftir þá Philip Vella og Gerard James Borg en þetta dúó hefur fjórum sinnum áður átt framlag Maltverja í Eurovision. Bestum árangri náðu þeir 2002 þegar lagið þeirra 7th Wonder lenti í öðru sæti. Árið 2000 var það lagið Desire sem lenti í 8. sæti, 2004 lenti On Again… Off Again í 12. sæti og svo í fyrra var það lagið Vertigo sem náði ekki að komast upp úr undankeppninni. Lagið þeirra í ár er flutt af söngkonunni Morena Camilleri. Lagið þykir mér frekar leiðinlegt og svipar mjög til framlags þeirra frá í fyrra í því að vera svona svolítið krefjandi popplag í staðinn fyrir að vera svona léttara og skemmtilegra eins og lögin frá 2000 og 2002. Mér finnst því líklegt að þetta leið fari sömu leið og lagið þeirra í fyrra, þ.e. komist ekki áfram en það kemur betur í ljós þegar fleiri lög verða tilkynnt.

Tékkland

Tékkar taka þátt í annað skipti í ár. Í fyrra voru það þungarokkararnir í Kabat sem voru ekki alveg beint að slá í gegn. Í ár tefla þeir fram laginu “Have Some Fun” flutt af hinni ekkert allt of ljótu (eins og einhver orðaði það) Terezu Kerndlovu. Ef hún gæti sungið jafnvel og hún klæðir sig þá gæti þetta kannski orðið allt í lagi ein í dag er þetta bara ömurlegt lag með slakri söngkonu. Ég hélt það gæti nú ekki versnað mikið frá því í fyrra en þetta lag sýnir allar verstu hliðar Eurovision keppninnar í dag.

Ég mun stefna að því að koma með öll þessi lög hérna inn á mp3-formatti og reyna að setja þetta aðeins skipulegar fram en í fyrra. Ég læt vita þegar það verður orðið klárt.

Og svona af því að ég er alltaf fyrstur með fréttirnar þá er búið að draga í riðla í undankeppninni. Nokkrar breytingar hafa verið gerðar á reglunum. Undankeppnirnar verða tvær og komast tíu lög áfram úr hvorri undankeppni sem bætast við þau fimm lög sem hafa tryggt sér sæti í úrslitakeppninni, þ.e. þessi fjögur stóru og svo gestgjafarnir Serbar. Samfara þessum breytingum voru gerðar smá breytingar á atkvæðagreiðslunni en eingöngu þær þjóðir sem taka þátt í hvorri undankeppni fyrir sig hafa atkvæðisrétt í þeirri keppni, þ.e. Íslendingar sem drógust í seinni undankeppnina hafa ekki atkvæðisrétt í fyrri keppninni. Þetta er gert til að reyna að brjóta upp þessar kosningablokkir sem hafa myndast. Þannig var öllum þjóðunum skipt upp í sex hópa með sex til sjö þjóðum í hverjum hóp. Það var svo tryggt að hver hópur mundi skiptast á milli undankeppnanna. Ísland var sett í hóp með Dönum, Eistum, Finnum, Norðmönnum og Svíum og gat því einungis lent með tveimur þessara þjóða í undankeppni. Ég hugsa að við getum prísað okkur sæla með að hafa lent með Svíum og Dönum í riðli og sloppið við Finna og Eista en þeir hafa ekki verið neitt alltof duglegir að styðja okkur. Vissulega hefði þó verið betra að fá Norðmenn heldur en Svíana. Þessa hópaskiptingu er best að skoða bara á Wikipedia og þar er einnig hægt að sjá skiptinguna í undankeppnirnar tvær. Fyrri keppnin fer fram þriðjudaginn 20. maí en sú síðari fer fram fimmtudaginn 22. maí og mun Ísland verða 8. þjóðin í keppnisröðinni þar.

• Lesa athugasemdir... (2)

Nú hafa fimm þjóðir gerð lög sín fyrir keppnina í vor opinber og á næstu vikum fara lögin að streyma inn og endar á Svíunum 15. mars enda er það vitað mál að Svíar þurfa að taka sinn tíma í þetta.

Kýpur

Kýpverjar fara þjóðlegu leiðina í ár, syngja á grísku og eru með svona þjóðleg strengjahljóðfæri með í þessu sem er alltaf til bóta… eða svona nánast. Það er Evdokia Kadi sem syngur lagið Femme Fatale. Það er smá “Elena Paparizou“-bragur á þessu hjá henni, fjórir karldansarar sem sem danska einhverja Zorba-dansa í kringum hana. Atriðið er þó engan veginn eins próffesjonalt eins og sigurlag Grikkja en það verður vonandi bætt úr því fyrir lokakeppnina í ár. Allt í allt er þetta alveg ágætislag og ég ætla að spá því að… það fái 12 stig frá Grikkjum. Betri spár berast síðar en mér finnst alls ekkert ólíklegt að þetta lag eigi góðan séns á að komast í úrslitakeppnina.

Hvíta-Rússland

Hvít-Rússar voru með ágætislag í fyrra, Work Your Magic og náðu sínum besta árangri frá upphafi, 6. sæti. Nú reyna þeir að fara svipaða leið, slísý gaur sem kann ekki ensku reynir samt að syngja á ensku. Í þetta sinn stela þeir frasa frá Úkraínu og heitir lagið Hasta La Vista og er sungið að Idol-stjörnunni Ruslan Alehno. Það er skemmst frá því að segja að mér finnst þetta nýja útspil þeirra alveg glatað.

Sviss

Sviss er eitt þeirra landa sem ár eftir ár hefur ekki gert neitt nema senda vond lög í Eurovision. Steininn tók úr í fyrra þegar þeir sendu 90’s plötusnúðinn DJ Bobo með vampíruslagarann Vampires Are Alive. Í ár koma þeir þó með það skásta sem ég hef heyrt til þeirra lengi. Það er hinn ítalsk-svissneski Paolo Meneguzzi sem syngur lagið Era Stupendo. Það er svona skemmtilegur ítalskur San Remo blær yfir þessu og ég er alveg að fíla þetta. Það byrjar mjög rólega og ég hélt við værum að fara að fá einhverja eðalballöðu en svo færist smá fjör í leikinn. Ég hefði, held ég, bara frekar viljað halda þessu sem ballöðu út í gegn en sennilega er þetta nú líklegra til árangurs svona.

Albanía

Albanía byrjaði sinn Eurovision feril ágætlega 2004 með laginu Image of you. Síðan þá hafa þeir bara sent einhverja leiðinlega múslima-”slagara”. Nú fara þeir hins vegar aðeins aðra leið og fara leið sem nágrannar þeirra frá Serbíu og Bosníu-Herzegovínu hafa gert vel undanfarið ár og senda tregafulla Balkanballöðu. Það er hin huggulega Olta Boka sem syngur og gerir það bara ágætlega þrátt fyrir smá svona hikst í byrjun. Mér finnst þetta alla veganna bara alveg hreint ágætt enda höfða svona góðar Balkanballöður mjög vel til mín.

Andorra

Andorrumenn hafa bara gefið út einnar mínútu langan bút af sínu lagi. Það er hin spænska idolstjarna Gisela sem flytur lag þeirra sem heitir Casanova. Ef ég vissi ekki betur hefði ég haldið að þetta lag kæmi frá Svíþjóð en það er ekki. Þó þetta sé kannski ekki alveg minn tebolli verð ég þó að viðurkenna að þetta er nú með því skárra sem komið hefur frá Andorru síðan þeir hófu að taka þátt 2004.

Þetta eru þau lög sem eru orðin opinber. Þar að auki hafa Bosníumenn tilkynnt að Elvir Laković Laka muni flytja lagið Pokušaj en það verður ekki frumflutt fyrr en í mars og Armenar, Ísraelar, Hollendingar, Tyrkir og Úkraínumenn hafa allir tilkynnt sinn flytjanda en eru ýmist að leita að lagi eða hafa ekki gert það opinbert.

• Skrifa athugasemd... (3)

Í kvöld hefjast undanúrslitin og er búið að gefa það út hvaða lög mætast í öllum undanúrslitaþáttunum. Ég verð að lýsa yfir vonbrigðum mínum með uppröðunina. Að mínu mati eru sex bestu lögin öll í tveimur þáttum, þætti númer tvö sem verður sýndur 26. janúar og þætti númer fjögur sem verður sýndur 9. febrúar. Annars er uppröðunin svona:

19. janúar

Gef mér von
Flytjandi: Páll Rósinkrans
Höfundur: Guðmundur Jónsson

Núna veit ég
Flytjandi: Magni Ásgeirsson
Höfundur: Hafdís Huld Þrastardóttir

Lullaby to Peace
Flytjendur: Ína Valgerður Pétursdóttir, Seth Sharp og Berglind Ósk Guðgeirsdóttir
Höfundur: Magnús Þór Sigmundsson

26. janúar

The girl in the golden dress
Flytjandi: Bjartur Guðjónsson
Höfundur: Andrea Gylfadóttir

In your dreams
Flytjandi og höfundur: Davíð Þorsteinn Olgeirsson

Hvað var það sem þú sást í honum?
Flytjandi: Baggalútur
Höfundur: Magnús Eiríksson

2. febrúar

Leigubílar
Flytjendur: Hrund Ósk Árnadóttir og Pálmi Gunnarsson
Höfundur: Magnús Eiríksson

Fullkomið líf
Flytjandi: Eurobandið
Höfundur: Örlygur Smári

Hvar ertu nú?
Flytjandi: Dr. Spock
Höfundur: Dr. Gunni

9. febrúar

Ho, ho, ho, we say hey, hey, hey
Flytjandi: Mercedes Club
Höfundur: Barði Jóhannsson

Don’t wake me up
Flytjandi: Ragnheiður Gröndal
Höfundur: Margrét Kristín Sigurðardóttir

The wiggle wiggle song
Flytjandi: Haffi Haff
Höfundur: Svala Björgvinsdóttir

Í kvöld verður sem sagt frekar slakur þáttur þar sem eftirfarandi lög verða flutt:

Gef mér von
Flytjandi: Páll Rósinkrans
Höfundur: Guðmundur Jónsson

Alveg hreint hundleiðinlegt gospellag sem nær sér einhvern veginn aldrei á flug. Palli Rósinkrans stendur sig reyndar ágætlega enda þekkir hann vel til svona tónlistar en það dugar ekki til.

Núna veit ég
Flytjandi: Magni Ásgeirsson
Höfundur: Hafdís Huld Þrastardóttir

Þetta er eiginlega eina lagið sem ég er svona pínu spenntur að heyra. Ég var ekkert sérstaklega hrifinn af því í undanrásunum en Hafdís Huld er búin að gefa það út að þar sem Birgitta Haukdal getur ekki tekið þátt núna þá muni hún rokka lagið svolítið upp fyrir Magna sem mun syngja lagið einn. Ekki veit ég hvort að lagið muni batna mikið við það en þetta verður alla veganna áhugaver. Ég held við getum alla veganna alveg bókað það að þetta lag á sæti í úrslitunum alveg bókað.

Lullaby to Peace
Flytjendur: Ína Valgerður Pétursdóttir, Seth Sharp og Berglind Ósk Guðgeirsdóttir
Höfundur: Magnús Þór Sigmundsson

Ég hef áður lýst yfir hrifningu minni á Magnúsi Þór og þetta lag er svo sem alveg ágætis heimsfriðarballaða. Ef ég vissi ekki betur hefði ég haldið að þetta lag kæmi frá Ísrael en svo er ekki. En mikið svakalega finnst mér sorglegt að það lag Magnúsar Þórs sem mér fannst allra síst skuli vera eina lagið sem komst áfram. Nú er ég ekki að segja að það hafi ekki verðskuldað að fara áfram þar sem mér fannst það besta lagið í sínum þætti. En mikið mundi ég vilja að höfundurinn fengi leyfi til að skipta út þessu lagi fyrir annað hinna laganna sem mér fannst mikið flottari. En ég ætla samt að vona að þetta fari frekar áfram heldur en gospellagið hans Gumma.

Ég spái því að “Núna veit ég” og “Lullaby to Peace” fari áfram í þetta skiptið og við fáum að heyra þau í úrslitaþættinum 23. febrúar.

Við þetta ætla ég svo að bæta við smá fréttabút sem kom reyndar fram í Fréttablaðinu um síðustu helgi en þar lýsir okkar ástsæli Eiríkur Hauksson því yfir að hugsanlega sé norræni spekingaþátturinn í uppnámi þar sem helv… norsararnir séu eitthvað súrir út í Svíana.

Samnorræni spekingaþátturinn sem Eiríkur hefur setið í síðustu árin er í uppnámi að sögn Eiríks. „Mér skilst að Noregur hafi dregið sig út úr þessu og ætli að búa til sinn eigin þátt. Þeir þola náttúrulega ekki að Svíarnir sjái alltaf um þetta. Ég hef allavega ekkert heyrt frá RÚV enn þá, svo þessir þættir eru kannski bara liðin tíð.”

Að þeir skuli ekki getað skammast sín. Menn með viti vita það náttúrulega að Svíarnir nánast eiga Eurovision og því ekkert athugavert við það að þeir fái að sjá um þetta. Þetta heitir að þekkja sína stöðu. Ég vona alla veganna að sænska sjónvarpið haldi sig við það að framleiða þessa þætti, með eða án Norðmanna.

• Skrifa athugasemd... (7)

Af þeim 22. lögum sem komust ekki áfram völdu áheyrundur Rásar 2 11 lög (eitt úr hverjum þætti) sem fá annað tækifæri til að komast áfram. Úr þeim 11 laga hópi valdi sérskipuð nefnd Rásar 2 þrjú til þess að koma fram í sérstökum þætti til þess að fylla í 12. sætið í undanúrslitunum. Eftir farandi þrjú lög voru valin

Hvar ertu nú?
Flytjandi: Dr. Spock
Höfundur: Dr. Gunni

Þetta lag var flutt í þættinum 1. desember ásamt Núna veit ég eftir Hafdísi Huld sem Birgitta Haukdal og Magni sungu og Skot í myrkri eftir Magnús Þór sem ég hef áður lýst hrifningu minni á. Þekkjandi íslensku þjóðina þá var nokkurn veginn vitað mál að Birgitta og Magni færu áfram með sitt lag en það hryggði mig mikið að þetta risaeðlupönk lag Dr. Gunna hefði komist áfram á kostnað ballöðunar hans Magúsar. Í fyrst lagi er þessi tónlist (ef svo skyldi kalla) engan minn tebolli og í öðru lagi hefur þetta lag ekkert að gera í Eurovision. Ég eiginlega veit ekki alveg hvort ég á að hlæja eða gráta þegar ég hlusta á þetta lag, ég veit ekki alveg hvort þetta er djók eða fúlasta alvara. Ég fer alltaf að brosa þegar ég sé Óttar Proppé og mér finnst Ham alger snilld en ég hef ekkert heyrt um þetta band hans og get ekki sagt að þetta lag hafi verið að heilla mig þó að sviðsframkoman hafi verið afar athyglisverð. Ég held mig þó við það að vera hundfúll með að þurfa að hlusta á þetta lag aftur.

Boys and Perfume
Flytjandi og höfundur: Hafdís Huld

Þetta lag var flutt í fyrsta þættinum ásamt lögunum Gef mér von eftir Guðmund Jónsson í Sálinni, sungið af Páli Rósinkrans og Game Over eftir Möggu Stínu eða Fabúlu og flutt af henni sjálfri ásamt einhverjum Dana sem ég hef aldrei heyrt um. Þó að þetta lag sé ekki í neinu sérstöku uppáhaldi hjá mér þá verður það nú að segjast að þetta var nú langsamlegast besta lagið í þessum þætti. Þetta er voðalega sætt lag og ef ég hefði átt að velja þrjú lög úr þessum ellefu sem voru í boði þá hefði ég sennilegast valið þetta ásamt Johnny eftir Magnús Þór og Í rússíbana eftir Magga Eiríks. Lagið er samt ekki nógu grípandi við fyrstu hlustun og er það líklegast ástæðan fyrir því að það komst ekki áfram en alls ekkert ólíklegt að það komist áfram núna, sérstaklega þar sem það á örugglega eftir að fá mikið lof og hrós frá Þorvaldi Bjarna sem hefur ítrekað minnst á það hvað honum þyki leiðinlegt að þetta lag hafi ekki farið áfram.

Bigger Shoes
Flytjandi og höfundur: Margrét Kristín Sigurðardóttir (Fabúla)

Þetta er svona týpískt Fabúlulag án þess þó að ég játi það á mig að hafa hlustað mikið á hana. Þetta lag var í sama þætti og kántrýslagarinn Hvað var það sem þú sást í honum? eftir Magga Eiríks í flutningu Baggalúts og I Won’t Be Home Tonight eftir Svölu Björgvins í flutningi Seth Sharpe. Sjálfur var ég mjög ánægður með að Baggalútur hafi farið áfram þó að hugsanlega hafið það ekki verið besta tónsmíðin þá fer maður bara ósjálfrátt að hlæja þegar maður sér þá Baggalútsmenn á sviðinu. En að laginu hennar Margrétar Kristínar þá er þetta annað svona sætt lag, vals í þetta skiptið, og þó það grípi mann kannski alveg við fyrstu hlustun þá venst það mjög vel. Ég er því ekkert gríðarlega ósáttur við að það sé þarna en eins og áður hefur komið fram þótti mér önnur lög skemmtilegri.

Ég ætla að leyfa mér að spá því að Hafdís Huld komist áfram með lagið Boys and Perfume og mitt atkvæði fer örugglega þangað frekar en á lagið hennar Fabúlu. Annars ræðst það bara af frammistöðu kvöldsins enda er hugsanlegt að einhverjar breytingar verði gerðar á lögunum fyrrir þáttinn annað kvöld. Endileg tjáið ykkur og segið hvert þessara laga ykkur finnst best eða líklegast til að komast áfram.

• Skrifa athugasemd... (5)

Sæl öll aftur og gleðilegt árið.
Nú er árið 2008 gengið í garð og styttist í næstu Eurovision keppni. Íslenska forkeppnin reyndar byrjuð fyrir nokkru síðan en mér finnst hún búin að vera allt of langdregin og haft svona heldur takmarkaðan áhuga á henni enn sem komið er og því ekki fundist mikil ástæða til að blogga um hana. Nú erum við hins vegar búin að losna við einn þriðja af lögunum og aðeins farið að styttast í þessu þó enn sé víst nóg eftir. Ég verð að segja eins og er að mér finnst þetta formatt á keppnini alveg út í hött. Fyrst hélt ég að öll þessi 11 lög ættu séns á að komast áfram en nú er ljóst að það er bara einhver sérskipuð valnefnd á vegum Rásar 2 sem hefur valið þrjú af þessum lögum til þess að komast í þennan aukaþátt sem úrskurðar um 12. lagið í úrslitunum. Í þessari færslu ætla ég aðeins að beina kastljósinu að nokkrum þeirra laga sem nú eru endanlega úr leik og mér finnst þess virði að fjalla aðeins um.

Fyrsta lagið og lagið sem mér fannst langsamlega besta lagið í allri keppninni er lagið Skot í myrkri eftir Magnús Þór Sigmundsson og flutt af Ragnheiði Gröndal. Þó mér finnist þetta besta lagið þá er ekki þar með sagt að það hafi hentað best fyrir Eurovision en ég hefði samt viljað sjá það áfram. Og þó er það kannski ekkert ósennilegt að þetta lag hefði getað gert ágætis hluti úti í Belgrad enda er þetta ekkert ósvipað lag og írska ballaðan frá 2006 auk þess sem stúlkur á þrítugsaldri hafa að jafnaði gert betri hluti í þessari keppni en fertugir karlmenn. Ég dýrka þessar fallegu ballöður Magnúsar Þórs og rödd Ragnheiðar algerlega smellpassar við þessi lög. Lagið hans Magnúsar var samt svo óheppið að vera í sama þætti og hundvæmin eurovisionballaða eftir Hafdísi Huld sem var flutt af stórkannónunum Birgittu Haukdal og Magna Rockstar sem flaug áfram í áhorfendakosningunni og svo stórfurðulegt pönklag eftir Dr. Gunna sem var flutt af Dr. Spock og því komst það ekki áfram.

Annað lag sem verðskuldar nokkrar línur hér er kostuleg heimsfriðarballaða eftir Barða í Bang Gang, Friður á þessari jörð. Það er spurning hvort þetta hefði ekki skorað mjög hátt frá Bosníu, Albaníu, Makedóníu og Tyrklandi en við höfum ekki beint verið að fá mörg stig þaðan. Hversu írónískt hefði það svo verið að fyrsta þjóðin til að flytja lag á arabísku í Eurovision væri Ísland. Ég alla veganna veit ekki til þess að það tungumál hafi hljómað áður á stóra sviðinu.

Skammarverðlaunin úr þessari undankeppni fær Dr. Gunni sem reyndi annað árið í röð að senda sama lagið áfram. Í fyrra hét það Heilinn minn en þetta árið fékk hann hinn nýopinberaða ofurbloggara Mengellu til að semja textann og fékk það titilinn Ísinn. Verð að segja að svona lög gætu vel átt heima í barnasýningunni Abbabbabb en sem betur ver virðist þetta ekki njóta mikillar hylli íslenskra eurovisionaðdáenda.

Annað lag sem mér fannst frábært var lagið Johnny eftir (surprise surprise!!!) Magús Þór. Þetta lag var flutt af Seth Sharpe sem er algerlega frábær söngvari með flotta rödd. Hann söng þrjú lög í forkeppninni hérna og það er synd að hans besta lag hafi ekki komist áfram í úrslitin. Þetta lag var í sama riðli og hið stórkostlega Effemmhnakka-teknó-lag Ho ho ho we say hey hey hey og átti því að sjálfsögðu ekki séns á að komst beint áfram en við getum þakkað þessari þessi frábæru sérskipuðu valnefnd Rásar 2 að við munum ekki fá að heyra þetta lag í úrslitaþættinum.

Lagið Í Rússíbana eftir Magnús Eiríkssón þótt mér ansi gott. Þetta lag var flutt af Hrund Ósk Árnadóttur sem vann Söngkeppni framhaldsskólanna fyrir MR fyrir nokkrum árum. Þá fannst mér hún alveg frábær og hefur það komið mér nokkuð á óvart hversu lítið hefur heyrst til hennar síðan þá. Nú kemur hún aftur fram og söng í tveimur lögum Magnúsar í keppninni og komst áfram með hitt lagið sitt ásamt Pálma Gunnarssyni, Leigubílar. Eins og kom fram í þættinum þar sem þetta lag var flutt minnir þetta svolítið á bland af svona diskó og rússnesku popplagi. Skemmtileg blanda og vissulega hefði ég frekar viljað heyra þetta lag fá annan séns en öll þau þrjú sem til þess voru valin en þar sem þetta var í sama þætti on nokkuð þétt danslag, The Wiggle Wiggle Song eftir Svölu Björgvins þá átti þetta aldrei séns á því að komast beint áfram.

Svala Björgvins samdi svo annað áhugavert lag, If I Fall in Love Again sem var sungið af Luxorsöngvaranum (einhverjir þekkja hann reyndar sem Stundin-staðurinn-söngvarann) Edgar Smára Atlasyni. Þetta var mjög falleg ballaða og vel sungin en spurning hvort hún sé ekki þrælstolin. Hún minnir alla veganna ískyggilega á einhverja Westlife eða Boyzone ballöðu. Einhverjir vilja líka meina að þetta minni þá á Ísrael frá 2005 sem er einhver fallegasta ballaðan sem hefur verið flutt í Eurovision í seinni tíð.

Í lokin verður svo að minnast á einkar athyglisvert lag Hallgríms Óskarssonar I Wanna Manicure en þetta var einhver allra mesti hávaði sem heyrst hefur í sjónvarpi. Ég hef aldrei verið mikill aðdáandi þeirra Hara-systra sem fluttu lagið en ég hafði ekki hugmynd um að þær væru svona slæmar.

Ég ætla svo að stefna á að koma með aðra færslu á morgun um lögin sem verða flutt á laugardaginn í “Andra kansa” þættinum og svo mun ég reyna að halda þessu lifandi fram að lokakeppninni sem haldin verður 20., 22. og 24. maí. Endilega takið þátt í umræðunni hérna og látið nú allt flakka.

• Skrifa athugasemd... (2)

Það styttist í lokakvöldið. Veðbankarnir hafa breytt spánni sinni töluvert og er röðunin einhvern veginn svona núna:

1. Úkraína
2. Serbía
3. Hvíta-Rússland
4. Lettland
5. Rússland
6. Svíþjóð
7. Búlgaría
8. Grikkland
9. Þýskaland
10. Ungverjaland

Ég ætla hins vegar að spá þessu svona:

1. Rússland
2. Serbía
3. Hvíta-Rússland
4. Úkraína
5. Grikkland
6. Þýskaland
7. Georgía
8. Bosnía & Herzegóvína
9. Lettland
10. Ungverjaland

En eins og ég hef áður sagt þá er gjörsamlega ómögulegt að spá nokkuð í þetta. Þetta hefur að mínu mati sjaldan eða aldrei verið jafnófyrirsjáanlegt. Nokkuð ljóst er samt að Bretland, Litháen og Armenía verði við botninn. Einnig spái ég að Spánn, Rúmenía Finnland og Moldavía endi frekar neðarlega.

• Skrifa athugasemd... (12)

Grískur morgunþáttur að nafni La Sousourela segist hafa fengið úrslitunum lekið til sín og samkvæmt þeim lista unnu Lettar forkeppnina. Mig minnir reyndar að á hverju ári hafi sambærilegum lista verið lekið og hann hafi aldrei reynst réttur. En án allrar ábyrgðar þá lítur listinn sem sagt svona út:

01. Latvia
02. Serbia
03. Bulgaria
04. Georgia
05. Belarus
06. Hungary
07. Moldova
08. Turkey
09. Slovenia
10. FYR Macedonia
…
11. Andorra
12. Cyprus
…
14. Denmark

Athyglisvert hvað Lettar, Búlgarar og Georgíumenn fá góða kosningu og sérstaklega athyglisvert að enn einu sinni eru Makedóníumenn í 10. sæti. En eins ég held við verðum að setja alla fyrirvara sem mögulegt er á þennan lista. Grikkir hafa greinilega ekki mikinn áhuga á hvar við Íslendingar lentum því ekkert var minnst á það hvar Eiríkur lenti.

• Skrifa athugasemd... (1)

Eiríkur Hauksson komst ekki áfram sem er náttúrulega skandall. Eiríkur stóð sig frábærlega og ekkert við hann að sakast. Það vantaði hugsanlega eitthað aðeins meira líf í atriðið en ég er ekki viss um að það hefði skilað neitt meiru. Það er alveg hreint ótrúlegt tangarhald sem þessar Austur-Evrópu þjóðir eru komnir með á þessari keppni. Af 10 þjóðum sem fóru áfram þá var Slóvenía sú sem liggur lengst í vestur. Aðrar voru austar, og í raun eingöngu Tyrkland sem er ekki þessi týpíska Austur-Evrópu þjóð. Sjálfur spáði ég sex þjóðum réttum áfram, Georgía kom mér reyndar ekki á óvart en ég hafði spáð þeim 11. sæti en eftir að hafa séð atriðið þeirra var ég nokkuð sannfærður um að hún Sopho færi áfram. Ég sá hins vegar ekki fyrir að Moldavía, Slóvenía og Lettland færu áfram. Reyndar er ég hundfúll að þessar þjóðir fari áfram á kostnað betri laga eins og Íslands, Kýpurs, Möltu og Hollands en það er bara mitt mat. Eftirfarandi punktar fannst mér svona merkilegastir:

• Hvíta-Rússland fór áfram eins og viðbúið var enda lagið fínt og grípandi. Söngurinn var ekki upp á sitt besta enn ekki nógu slæmur til að hafa áhrif á niðurstöðuna.
• Makedónía fór áfram og ég ber smá ábyrgð á því. Annað af mínum atkvæðum fór þangað enda þykir mér þetta mjög fínt Balkanpopp. Mér fannst reyndar endirinn á ensku ekki hljóma eins vel og makedónskan en það dró þó ekki hrifningu mína nógu langt niður til að afturkalla atkvæðið mitt.
• Slóvenía kom mér frekar mikið á óvart að hafi farið áfram því að Slóveníu hefur verið hafnað þrátt fyrir að vera með töluvert betri lög. Þetta er ekki svona minn tebolli þó ég skilji nett að þetta skuli höfða til einhverra.
• Ungverjaland fór áfram og er ég hæstánægður með það. Hitt atkvæðið mitt fór þangað enda þrælfínn blús og ég fíla að það skuli vera svona fjölbreytni í Eurovisionkeppninni.
• Georgía fór áfram og kom mér ekki á óvart eftir að ég sá atriðið. Sverðadansarnir urðu álíka eftirminnilegir og bandspottarnir frá Armeníu í fyrra. Þetta var líka mjög spes lag og kom vel út á sviði.
• Lettland fór áfram og olli mér vonbrigðum. Þetta fannst mér bara á engan hátt nógu gott atriði til að verðskulda sæti í úrslitunum.
• Serbía fór áfram og átti það fyllilega verðskuldað. Hrikalega flott lag og góð söngkona og í raun held ég að þetta sé eina lagið úr undankeppninni sem á möguleika á sigri.. Ánægjulegt að sjá að svona útlit á atriði er ekki að skemma fyrir því vissulega var þetta ekki mikið fyrir augað.
• Búlgaría fór áfram og þótt ég væri ekki ánægður með það enda var ég hvorki að fíla lagið né atriðið. En ég get ekki sagt að þetta komi á óvart.
• Tyrkland fór áfram og kom mér ekki á óvart. Atriðið olli mér samt pínu vonbrigðum eitthvað. Átti von á meiri krafti í performansinum og ég hugsa að ég spái þeim ekki lengur sigri. Nánari spá um það kemur síðar.
• Moldavía fór áfram og kom mér á óvart. Mér fannst lagið ekki nógu gott til að verðskulda það en þeir eiga greinilega góðar nágrannaþjóðir.
• Eins og áður segir kemur mér mikið á óvart að Malta, Kýpur og reyndar Ísrael hafi ekki farið áfram. Þetta eru lög sem mér finnst að hefðu vel átt heima á laugardagskvöldinu.
• Hrikalega er ég ánægður með að Sviss fór ekki áfram. Að mínu mati er þetta er hreint út sagt versta atriðið í keppninni. Þetta er síðasta lagið sem kæmist áfram

Þetta er nú svona það helsta. Nú er bara að fókusera á laugardagskvöldið en vissulega minnkaði aðeins spennan og tilhlökkunin fyrir kvöldinu við það að Ísland fór ekki áfram maður verður bara að bíta í það súra.

• Skrifa athugasemd... (8)

Þá er litli stóri dagurinn runninn upp. Við vonum alla veganna öll að laugardagurinn verði enn þá stærri fyrir okkur Íslendinga. General prufurnar hafa gengið mjög vel hjá íslenska hópnum og segir þetta um framistöðuna á lokaæfingunni í gærkvöldi á escToday:

21:24 Another skiing postcard and then to Iceland. Eirikur gives an amazing performance and looks like a real rocker on screen. He really knows how to work the hall, and, more importantly, the camera. Classic rock. Classic performer. The performance cannot be faulted.

Most of the close-ups catch Eirikur from the side, with him looking into the audience. Great cheers.

Nokkuð hefur víst verið um að söngvarar séu nokkuð óöruggir eins og vera ber, einkum þá Hvítrússinn og Daninn en við vonum að það gangi upp hjá þeim í kvöld. Daninn er víst með eitthvað búningatrikk uppi í erminni eins og sú norska. Er það ekki orðið svolítið gamaldags? Ég verð að segja að fyrir mína parta er ég spenntur að sjá Georgíu en þar eru víst á ferðinni einhverjir ógurlegir sverðadansar og má Sopho víst bara þakka fyrir að vera ekki tætt í búta þarna á sviðinu.

Tvö atriði í kvöld, Sviss og Kýpur, verða með eitthvað svona goth þema. Ég skil tenginguna hjá Sviss en ég er ekki alveg að fatta það hjá Kýpur. Finnland verður svo víst þriðja goth atriðið á laugardagskvöldið. Samkvæmt þeim sem voru á svæðinu voru það Danmörk, Serbía og Slóvenía sem var best fagnað í salnum en Íslandi, Noregi, Moldavíu og Andorra var einnig vel tekið. Salurinn var hins vegar víst ansi dofinn yfir flutningi Svartfjallalands og lái þeim hver sem vill.

Eitthvað hefur verið um það að menn séu að spá því að Sviss fái Kate Ryan “verðlaunin” í ár, þ.e. að verði það lag sem allir búast við að komist áfram en kemst svo ekki. Ég verð nú að segja að ég mun ekki gráta neitt sérstaklega hátt ef það verður raunin.

Menn óttast það mikið að Úkraína verði sú þjóð sem standi uppi sem sigurvegari á lokakvöldinu. Fjölmiðlafárið í kringum hana Versku hefur víst verið engu líkt og minnast menn ekki slíks síðan Dana International tók þátt 1998. Nú hefur hún/hann/það Verska víst breytt aðeins um taktík og er hætt(ur) að veita viðtöl og er víst farinn að haga sér eins og alger díva. Minnir kannski á ákveðna fígúru sem má ekki minnast á en einhvern veginn held ég að finnar séu nú ekki eins stressaðir á svona stælum eins og Grikkir voru í fyrra. Ég held þó að Úkraína eigi nú ekki eftir að sigra þetta. Reynslan sýnir að þessi djók-atriði eins og Litháen í fyrra (We Are The Winners) og Austuríki 2002 (Alf Poier) eiga það til að ná fínum árangri en hafa ekki enn þá náð að vinna keppnina (nema menn hugsanlega telji Finnana í fyrra hafa verið að djóka) og þar til það gerist þá held ég mig við það að spá svona djók-atriðum ekki sigri.

Svo eru menn að óttast það að þetta geti í hugsanlega verið í síðasta skipti í bili sem Danir taki þátt í Eurovision og það vegna íþrótta. Þar sem danska ríkisútvarpið, DR, er víst ansi illa statt fjárhagslega þá hefur mikið verið skorið niður og hefur nánast allt íþróttaefni verið selt til einkastöðva. Til þess að vera meðlimur í EBU (European Broadcasting Union) verður að hlýta ýmsum skilyrðum og eitt af þeim er að sýna ákveðið magn af íþróttum og þar sem ekki er útlit fyrir að DR nái því á þessu ári er talið hugsanlegt að þeim verði vísað úr samtökunum og missi þar með þátttökurétt sinn í Eurovision. Það verður nú bara að segjast eins og er að það yrði mikil blóðtaka, sérstaklega fyrir okkur Norðurlandaþjóðirnar. En það eru víst fyrirhugaðar einhverjar viðræður og við vonum að þetta reddist allt saman.

• Skrifa athugasemd... (5)